పల్లవి :
సాగిపో చలో చలో.!
నువ్ కన్న కలలదారిలో..!!
సాహసీ తెగించి సాగరా
నీ పథం సవాలురా
క్షణం కూడా ఎంతో ఖరీదురా
సాగిపో చలో చలో.!
నువ్ కన్న కలలదారిలో..!!
చరణం : 1
ధైర్యమే ఊపిరి
అంతకన్నా తోడులేదురా
గమ్యమే ముళ్లదారి
ఆచి తూచి అడుగులేయరా
దాటెయ్యరా ముళ్లని
భావించి పూలబాటని
ఎడారి ఎండమావులు గులాబి నందనాలుగా
సాగిపో చలో చలో .!
నువ్ కన్న కలలదారిలో..!!
చరణం : 2
కాలమే మాయదారి
కష్టమంటూ జంకిపోకురా
జిందగీ పొంగే ఝరీ
గడియ గడియ మలుపులేనురా
దూరమున్న తీరమే
దూసుకెళ్తే దగ్గరౌనురా
చీకటొచ్చి పడితే నింగి కుంగుతుందా?
వెలుగు ఆగుతుందా? ఉషస్సు దాగుతుందా?
సాగిపో చలో చలో.!
నువ్ కన్న కలలదారిలో..!!
సాగిపోరా వీరా శ్రమించి ముందుకు
అడుగు దూరమైన లేదు నీకూ-గెలుపుకు
తరుముకుంటూ పోరా వెనక్కి తగ్గక
ఓటమే ఓడిపోద్దిరా.....
గెలుపు నీకు సొంతమౌనురా
గెలుపు నీకు సొంతమౌనురా
సాగిపో చలో చలో.!
నువ్ కన్న కలలదారిలో..!!
రచన : మల్లికావల్లభ పిట్ల
సంగీతం : ఆర్యన్ భౌమిక్
గానం : రాజ్
No comments:
Post a Comment