ఎవరూ ఇటు రారు తడియారిన నా గొంతును తడపడానికి
ఎవరున్నారు అయ్యోపాపం అంటూ చూడడానికి..?
చచ్చిబ్రతికి కన్నానుగా...వదిలేసారు
రెక్కలకష్టాన్ని పీల్చి రోడ్డున విసిరేశారు
వచ్చేవారయితే సగం చంపి వెళ్ళరు...
ఏ చప్పుడు వింటున్నా "అమ్మా" అన్నట్లుంది
మనవళ్ళు మనవరాళ్ళ పిలుపులు విన్నట్లుంది
ఇంకెవరొస్తారు గుండెలపై ఊకొడుతూ కథలను వినడానికి..?
కళ్ళు మూయలేనంత దుమ్ము చేరిపోయింది
కుక్కలు పోట్లాడుకుంటూ మీదికొచ్చిపడుతున్నవి
కప్పలకిక లెక్కలేక పైపైకొస్తున్నాయి
ఎంగిటి విస్తళ్ళు నన్ను దాటుకుపోతున్నాయి
ఏ ఒక్క మెతుకైనా జారి నోటపడబోదే..!
ఆకలి రోజుల తరబడి పేగులనలిమేస్తోంది
వదిలిన మలమూత్రాలతో బట్టలు తడిసున్నాయి
రాత్రంతా చలికి వణికి పగలు ఎండి ఒళ్ళు చిట్లి
శరీరమంతా పుండై తీపులు పెడుతూవుంది
చీమలు కుడుతున్నానూ కదలలేని దుస్థితి
ఎవరికి చెప్పాలి నేను బ్రతికే ఉన్నానని..?
ఎవరెవరో ఈ దారిన వస్తూ పోతున్నారు
కళ్ళున్నా ఇటు చూడక గుళ్ళొకెళ్తున్నారు
చావురాక బ్రతకలేక ఊపిరితో ఇక్కడ
కదలలేని రాతిబొమ్మ వేడుకతో అక్కడ
ఇంకెవరూ రారు కడసారి చూసి కంట నీరుకార్చడానికి..
ఎండిన పెదవుల మధ్యన నాలుక పడి రాకుంది
పిడుగులు పడ్డట్లు చెవులు గుప్పుగుప్పుమంటున్నవి
ఒంట్లో ఒక్కోనరమూ జివ్వున లాగేస్తోంది
ఎవరో నా గొంతుపట్టి నొక్కేస్తున్నట్లుంది
తెలియని బరువేదో నా గుండెలనదిమేస్తోంది...
అదిగో నా కళ్ళచుట్టూ చీకటి కమ్మేసింది
ఊపిరాగిపోతోంధిక ఎవరూ ఇటురాకండి
నా బిడ్డలు ఎదురొస్తే మీతో తీసుకుపోండి
ఎక్కడ దాచారో కలిసి మానవతను వెతకండి.
ఎవరున్నారు అయ్యోపాపం అంటూ చూడడానికి..?
చచ్చిబ్రతికి కన్నానుగా...వదిలేసారు
రెక్కలకష్టాన్ని పీల్చి రోడ్డున విసిరేశారు
వచ్చేవారయితే సగం చంపి వెళ్ళరు...
ఏ చప్పుడు వింటున్నా "అమ్మా" అన్నట్లుంది
మనవళ్ళు మనవరాళ్ళ పిలుపులు విన్నట్లుంది
ఇంకెవరొస్తారు గుండెలపై ఊకొడుతూ కథలను వినడానికి..?
కళ్ళు మూయలేనంత దుమ్ము చేరిపోయింది
కుక్కలు పోట్లాడుకుంటూ మీదికొచ్చిపడుతున్నవి
కప్పలకిక లెక్కలేక పైపైకొస్తున్నాయి
ఎంగిటి విస్తళ్ళు నన్ను దాటుకుపోతున్నాయి
ఏ ఒక్క మెతుకైనా జారి నోటపడబోదే..!
ఆకలి రోజుల తరబడి పేగులనలిమేస్తోంది
వదిలిన మలమూత్రాలతో బట్టలు తడిసున్నాయి
రాత్రంతా చలికి వణికి పగలు ఎండి ఒళ్ళు చిట్లి
శరీరమంతా పుండై తీపులు పెడుతూవుంది
చీమలు కుడుతున్నానూ కదలలేని దుస్థితి
ఎవరికి చెప్పాలి నేను బ్రతికే ఉన్నానని..?
ఎవరెవరో ఈ దారిన వస్తూ పోతున్నారు
కళ్ళున్నా ఇటు చూడక గుళ్ళొకెళ్తున్నారు
చావురాక బ్రతకలేక ఊపిరితో ఇక్కడ
కదలలేని రాతిబొమ్మ వేడుకతో అక్కడ
ఇంకెవరూ రారు కడసారి చూసి కంట నీరుకార్చడానికి..
ఎండిన పెదవుల మధ్యన నాలుక పడి రాకుంది
పిడుగులు పడ్డట్లు చెవులు గుప్పుగుప్పుమంటున్నవి
ఒంట్లో ఒక్కోనరమూ జివ్వున లాగేస్తోంది
ఎవరో నా గొంతుపట్టి నొక్కేస్తున్నట్లుంది
తెలియని బరువేదో నా గుండెలనదిమేస్తోంది...
అదిగో నా కళ్ళచుట్టూ చీకటి కమ్మేసింది
ఊపిరాగిపోతోంధిక ఎవరూ ఇటురాకండి
నా బిడ్డలు ఎదురొస్తే మీతో తీసుకుపోండి
ఎక్కడ దాచారో కలిసి మానవతను వెతకండి.
